પાકિસ્તાનના ક્રિકેટરે ફરી માર્યા અંગ્રેજીમાં લોચા : Social Media માં બન્યા હાસ્યને પાત્ર

0
204

કરાચી : પાકિસ્તાન બેટ્સમેન ઉમર અકમલ (Umar Akmal)માટે હાલ ખરાબ સમય ચાલી રહ્યો છે. હાલમાં જ ફિટનેસ ટેસ્ટ દરમિયાન કપડા ઉતારીને ચર્ચામાં આવેલા આ બેટ્સમેનને પાકિસ્તાન ક્રિકેટ બોર્ડ (Pakistan Cricket Board)ની એન્ટી કરપ્શન યૂનિટે પાકિસ્તાન સુપર લીગ શરુ થતા પહેલા નિલંબિત કરી દીધો છે. આ સાથે એ અટકળો પર જોર પકડવાનું શરુ કરી દીધું છે કે આ તેની કારકિર્દીનો અંત તો નથીને. આ સિવાય ઉમર અકમલ ફરી એક વખત સોશિયલ મીડિયા પર ટ્વિટ કરીને ટ્રોલ થઈ રહ્યો છે. જેમાં તેણે પાકિસ્તાનના પૂર્વ ક્રિકેટર અબ્દુલ રઝાકને પોતાની માતા ગણાવી હતી.

પાકિસ્તાન ક્રિકેટ બોર્ડના એન્ટી કરપ્શન કોડની કલમ 4.7.1ના અંતર્ગત ઉમરને તાત્કાલિત પ્રભાવથી નિલંબિત કરી દીધો છે. પીસીબી એન્ટી કરપ્શન કોડ પ્રમાણે તપાસ પુરી ના થાય ત્યાં સુધી અકમલ કોઈપણ પ્રકારની ક્રિકેટ ગતિવિધીમાં સામેલ થઈ શકશે નહીં. ઉમર કયા મામલામાં દોષિત સાબિત થયો છે તે વિશે પીસીબીએ જાણકારી આપી નથી. ઉમર પાકિસ્તાન સુપર લીગમાં રમી શકશે નહીં.