ભરૂચની કેમિકલ ફેક્ટરીમાં વિસ્ફોટ, 24 ઈજાગ્રસ્ત

0
155

ભરૂચ
તા 23

ભરૂચના ઝગડીયા સ્થિત કેમિકલ ફેક્ટરી કંપની યુપીએલ-5ના પ્લાન્ટમાં ધમાકો થયો છે. યુપીએલ કંપનીમાં ધમાકા પછી લાગેલી આગમાં 24 કર્મચારીઓને ઈજા પહોંચી છે. ઈજાગ્રસ્તોને ભરૂચ અને વડોદરાની હોસ્પિટલમાં સારવાર હેઠળ ખસેડવામાં આવ્યા છે. જો કે ધમાકા અંગે કોઈ કારણ હજુ સુધી સ્પષ્ટ થયું નથી, પરંતુ આગ પર કાબુ મેળવવાની કોશિશ કરવામાં આવી રહી છે.

યુપીએલ કંપનીની સીએમ કેમિકલ પ્લાન્ટમાં ઘટના બની હતી. જી.આઈ.ડી.સીની યુપીએલ-5 કંપનીમાં બ્લાસ્ટ થતાં ધમાકાનો અવાજ 12 થી 15 કિલોમીટર સુધી સંભળાયો હતો. ઝઘડિયા, અંકલેશ્વર, ભરૂચ, દહેજના 15 થી વધુ અગ્નિશામક દળોની ટીમ આગ ઉપર કાબુ મેળવવા કામે લાગી. કંપનીના સીએમ પ્લાન્ટમાં કામ કરતા શુક્લતીર્થ અને અવિધાના યુવક લાપતા છે. ધમાકો એટલો પ્રચંડ હતો કે તેનો અવાજ 15 કિલોમીટર સુધી સંભળાયો હતો. ધમાકાના કારણે આસપાસના ગ્રામીણ વિસ્તારમાં ભૂકંપના આંચકા જેવો અનુભવ થયો હતો. અમૂક સ્થળે લોકો ઘરની બહાર નિકળી ગયા હતા.