PM મોદીએ ડબલ ડેકર માલગાડીને આપી લીલી ઝંડી

0
121

નવી દિલ્હી
તા : 07
પ્રધાનમંત્રી નરેન્દ્ર મોદીએ ગુરુવારે વેસ્ટર્ન ડેડિકેટેડ ફ્રેડ કૉરિડોર (WDFC)ના રેવાડી-મદાર ખંડને દેશનો સમર્પિત કર્યો. આ દરમિયાન પીએમ મોદીએ એવી માલગાડીને લીલી ઝંડી આપી છે, જેની લંબાઇ 1.5 કિમી છે અને ડબલ કંટેનર લઇ જવાની વ્યવસ્થા છે.પીએમ મોદીએ અહીં પોતાના સંબોધનમાં કહ્યું કે પાછલા કેટલાંક દિવસોમાં જ એવા અનેક કામ થયા છે, જે આધુનિક ભારતમાં વિકાસને રફતાર આપી રહ્યાં છે. નવા વર્ષની શરૂઆત સાથે જ આત્મનિર્ભર ભારત બનવા તરફ ઝડપથી આગળ વધી રહ્યાં છીએ. આજે દરેક ભારતીયનું આહ્વાન છે, થોભીશુ નહી, થાકીશું નહી. આ નવા કૉરિડોરને ભારત માટે ગેમ ચેન્જર રૂપે જોવામાં આવી રહ્યો છે.

હવે દેશમાં માલગાડીઓની સ્પીડ વધારવામાં આવી રહી છે, જે રફતાર પહેલા 25 KMPH હતી તે હવે 90 KMPH સુધી પહોંચાડવામાં આવી રહી છે. પીએમે કહ્યું કે આ કૉરિડોર ફક્ત આધુનિક માલગાડીઓ માટે રૂટ નથી, પરંતુ દેશના ઝડપી વિકાસનો કૉરિડોર પણ છે. આ કૉરિડોરથી હરિયાણા, રાજસ્થાનના અનેક જિલ્લાઓના સ્થાનિક ઉદ્યોગોને લાભ મળશે. આજે દેશમાં વ્યક્તિગત વિકાસને પ્રોત્સાહન આપવામાં આવી રહ્યું છે, જેમાં વીજળી-પાણી-ઇન્ટરનેટ-રસ્તા-ઘર જેવી સુવિધાઓ ઉપલબ્ધ કરાવવામાં આવી રહી છે. સાથે જ અર્થવ્યવસ્થાને પણ રફતાર આપવાનું કામ ચાલી રહ્યું છે, જેમાં ઉદ્યોગોને પ્રોત્સાહન આપવા માટે અનેક કામ કરવામાં આવી રહ્યાં છે. દેશમાં આજે ફ્રેટ કૉરિડોર ઉપરાંત ઇકોનોમિક કૉરિડોર, ડિફેન્સ કૉરિડોર જેવી વ્યવસ્થા પણ બની રહી છે.